بسم الله الرحمن الرحيم
طبعا الكثير سمع عن المباراة اللى جرت بين مصر والجزائر الآربعاء 18/11/2009 للتأهل للمونديال .
والتى كانت بالسودان وكانت لصالح الجزاير وللآسف
سمعتم عن المجازر التى أقيمت ضد الجمهور المصرى هناك وكله هذا بسبب ماتش كورة لا راح ولا جا ؟ طيب نفسى أعرف اذا كانت مصر كسبت كان اية الحال ؟؟؟؟؟؟؟؟؟
يوه طبعا احنا اللى غلطانين يا جماعه ليه التعصب والتشنج هم الجزائريين عملوا ايه
رسموا اللعيبه على وجوه فنانات وايه يعنى
رسموا حسن شحاته عروسه ودخلتها فى القاهره طب ودى فيها ايه
قالوا ان بلد المليون شهيد حتلاعب بلد المليون رقاصه وهى دى حاجه تزعل برضه
طلعت جرايدهم تقول ان فى قتلى جزائريين فى مصر وايه يعنى كدبه بيضا
عملوا تمثيليه تكسير اتوبيسهم علشان يشوهوا صورتنا وماله مصارين البطن بتتخانق
شتمونا فى استاد القاهره وبناتهم .....مش قادره اقول عملوا ايه عاااااااااااااادى
راحوا السودان قبلنا اشتروا مطاوى وسكاكين وسنج طب وايه يعنىما احنا داخلين على عيد ودبح
كل الجرايد وماتقولوش هى جريده واحده (الشروق ) لا الخبر كمان كتبوا ان المصريين صهاينه ودى بقى تزعلنا فى ايه هما الصهاينه كخه
الحكومه الجزائريه وخد بالك من الحكومه دى يعنى وجهه نظر رسميهمش تعصب اعمى لجزائرى ولا اتنين شحنت على 17 طائره قوات جويه شباب الاحراش والمتعصبين المتهورين للكره على السودان وقالت لهم يللا خدوا بتاركم اوعوا بقى تقولوا ان دى حاجه تزعل ولا تفرس
ولادنا فى الجزائر اللى بيجروا على لقمه عيشهم ماتوا من الضرب واتحرقت بيوتهموالسلطات تمنع منحهم تصريح سفر للهروب من الجحيم طبعا دى حاجه تفرح الناس مش عاوزين ولادنا يمشوا ولاد اصول والله
اتقطعنا واضربنا واتعورنا فى السودان وايه يعنى علقه تفوت
الحكم يحسب 4 دقايق وقت ضايع بدل10 معلش ساعته بايظه ياريت نشوف له ساعه فى المول هنا
طبعا الاصوات العاقله الرشيده تنادى بعدم خلط الاوراق ومش كل الجزائيين متورطين فى الغم قصدى الهنا ده اقوللك امال ما سمعناش ان الجزائريين عملوا مسيرات فى بلادهم تقول ارفعوا ايديكم عن المصريين ولا حتى قرينا جرنال واحد
جزائرى قال نهدى الوضع عيب مصر بلد الالف مئذنه مصر اللى ضيعت ولادها فى الخمسينات والستينات فى مسانده الجزاير وغيرها ولا اقولكم حرام يمكن اتظاهروا وكتبوا بس بالفرنساوى اصلهم يا عينى ما بيعرفوش عربى
عرفتوا ليه احنا غلطاااااااااانين والغلط راكبنا من ساسنا لراسنا ؟؟؟؟؟؟؟؟
المصريين هما اللى غلطانيين
العرض الشجري
